MTK-nın baş məşqçisi: “Evə qələbə ilə qayıtmaq istəyirik”

“Qəbələ” ilk oyunda özünü yaxşı tərəfdən göstərmişdi. İlk oyunda qalib gəlmək istəsək də, rəqibimiz çox güclüdür. “Qəbələ”nin oyunlarını çox izləmişəm. Bununla belə, sabah evə qələbə ilə qayıtmaq istəyirik”. Futbolxeber.az saytının məlumatına görə, bu sözləri “Qəbələ” ilə oyundan sonra MTK-nın baş məşqçisi Teodoru Vasilizs deyib.

Sabah Macarıstan təmsilçisi Avroliqanın II təsnifat mərhələsinin cavab oyunu çərçivəsində Bakıda “Qəbələ”nin qonağı olacaq. MTK-nın çalışdırıcısı hazırda matçın baş tutacağı “Bakcell Arena”da oyunöncəsi mətbuat konfransı keçirir.

Teodoru Vasilizs ilk matçda penaltini qaçırmalarını qeyd edib: “Matçın əvvəlində hər şey yaxşı gedirdi. Amma sonradan penaltidən yararlana bilmədik. Buna görə çox təəssüflənirəm. “Qəbələ” yaxşı komanda olduğunu da unutmamalıyıq”.

MTK-nın çalışdırıcısı “Liverpul”la aralarında razılaşmadan da söz açıb: “Futbolçularımız “Liverpul”da təlim keçirlər. İngiltərə klubu ilə müqaviləmiz var. Hazırda heyətimizdə cəmi 2 legioner var. Buna görə də sabah heyətdə daha çox macar futbolçular olacaq”.