“Elxan Məmmmədovun bu klubla əlaqəsi olsaydı, ən azı mənim xəbərim olardı”

“Hər adam uşaq futboluna pul xərcləmir. Bunun üçün futbolu sevmək lazımdır. Bizim arzumuz odur ki, 5-7 il sonra “Səbail”i zirvədə görək”. Futbolxeber.az saytının məlumatına görə, bu sözləri yeni yaradılan “Səbail” klubunun Müşahidə Şurasının sədri Yusif Həsənov deyib.

O qeyd edib ki, “Səbail” hər il görülən işlərlə bağlı hesabat verəcək: “Klubumuz tam şəffaf şəkildə fəaliyyət göstərəcək. Hər mövsümün axırında görüşlən işlərlə bağlı ictimaiyyətə hesabat veriləcək”.

Yusif Həsənov mətbuatda klubun adının AFFA-nın baş katibi Elxan Məmmədovla yanaşı çəkilməsinə də münasibət bildirib: “Elxan Məmmədovun “Səbail”ə heç bir aidiyyatı yoxdur. Belə bir şey olsaydı, bundan ən azı mənim xəbərim olardı. Düzdür, AFFA bizə dəstək verir. Amma bu o demək deyil ki, klub Elxan Məmmədovun nəzarətindədir”.