Təbriz Həsənov “Şəfa” ilə “Səbail”in fərqindən danışdı

18 yaşadək futbolçulardan ibarət milli komandamızın baş məşqçisi Təbriz Həsənov “Səbail”dəki fəaliyyəti haqda danışıb. Futbolxeber.az saytının məlumatına görə, təcrübəli mütəxəssis yeni yaradılan klubun daha çox gənclərlə çalışacaqlarını qeyd edib: “Avropa çempionatı zaman bir çox futbolçular oyun praktikasının yoxluğundan əziyyət çəkirlər. Bir çox 17, 18, 19 yaşlı futbolçular klubların əvəzedici heyətinə cəlb olunsalar da, meydana çıxmırlar. Məhz həmin futbolçulara dəvət göndərəcəyik. Həmçinin elə futbolçular var ki, potensialları olsa da, hələ ki sözlərini deyə bilməyiblər. Həmin oyunçular üçün də özlərini göstərmək üçün şərait yaradacağıq”.

Həsənov vaxtı ilə Azərbaycan çempionatında mübarizə aparan “Şəfa” və “Səbail” arasındakı fərqdən söz açıb: “Şəfa”da bütün futbolçular milli üzvləri idi. Amma bizdə hər hansı təzyiqdən söhbət gedə bilməz. Biz klublara təklifimizi irəli sürəcəyik. Kim istəsə, öz oyunçusunu göndərəcək”.