Vüqar Nadirov: “Bir ağdamlı, şəhid balası kimi yenidən "Qarabağ"a qayıtdım”

Vüqar Nadirov “Qarabağ”a qayıtmasından danışıb. Futbolxeber.az-ın məlumatına görə, təcrübəli forvard Ağdam klubunun rəsmi saytına açıqlamasında geri dönüşünü belə şərh edib: "Olduqca sevincliyəm, bir ağdamlı, şəhid balası kimi yenidən "Qarabağ"a qayıtdım. Əlimdən gələni edəcəm ki, baş məşqçimiz Qurban Qurbanovun mənə göstərdiyi etimadı doğruldum. Hər bir komandada rəqabət var,  "Qarabağ"da da məşqlərdə əlimdən gələni edəcəm ki, baş məşqçinin verdiyi tapşırıqları layiqli şəkildə yerinə yetirim. 6 il idi ki, bu komandada oynamışam, klub rəhbərliyini də tanıyıram, onlara da təşəkkür edirəm ki, yenidən komandaya qayıtmağımda dəstək oldular. Çalışacam həm avrokuboklarda, həm də çempionatda komandaya xeyir verim. "Qarabağ" azarkeşləri bizim ürək yerimizdir. Çalışacam ki, onları sevindirim".