“Admira”nın baş məşqçisi: “Kəpəz”in üstünlüyü müdafiədə yaxşı oynamağıdır”

"Rəqibimiz yaxşı təşkilatlanmış komandadır. “Kəpəz”in üstünlüyü müdafiədə yaxşı oynamağıdır". Futbolxeber.az saytının qol.az-a istinadən verdiyi məlumata görə, bu sözləri “Admira”nın baş məşqçisi Oliver Lederer Avropa Liqasının II təsnifat mərhələsində “Kəpəz”lə keçiriləcək oyun haqda danışarkən deyib.

Gənc mütəxəssis yerli mətbuata açıqlamasında sabahkı görüş haqda bunları bildirib: “Biz istəyirik ki, sabah öz oyunumuzu oynayaq. “Spartak”la görüşdə bunun sayəsində mərhələ adladıq. Əminəm ki, “Kəpəz”lə qarşılaşmada da oyun prinsipimizə sadiq qalsaq, mərhələ keçmək çətin olmayacaq. Keçən həftənin cümə günündən “Kəpəz”in oyunlarının videoyazısına baxırıq”.

Qeyd edək ki, sabah Avstriyada keçiriləcək görüş Bakı vaxtı ilə saat 21:00-da başlayacaq.