Mahir Mədətov: “Cavab oyunu asan keçməyəcək”

“Topun dirəyə dəydiyi epizodda tez düşünməliydim. Əsas fikrim qapıya düşmək idi. Təəssüf ki, həmin epizodda fərqlənmək alınmadı”. Futbolxeber.az saytına müsahibəsində bu sözləri “Qarabağ”ın hücumçusu Mahir Mədətov deyib.

Gənc forvard Çempionlar Liqasının II təsnifat mərhələsinin ilk oyununda Lüksemburq çempionu “Düdelanj”ı 2:0 hesabı ilə məğlub etdikləri qarşılaşmaq haqda bunları söyləyib: “2:0 hesablı qələbə qazandıq. Buna yaxşı hesab demək olar. Rəqibdən də çox şey asılıdır. “Düdelanj” hesabda geri olsa da, öz oyununu göstərməyə çalışırdı. Qarşıda cavab oyunu var. Həmin matç asan eçməyəcək. Rəqibə ciddi yanaşmalıyıq. Səfər matçında da əlimizdən gələni edəcəyik”.

Mədətov qeyd edib ki, “Qarabağ” ikinci hissədə hesab arasındakı fərqi artırmaq istəyib: “İkinci qoldan sonra da hücumlara davam edirdik. Özümüzdə top saxlayırdıq. Amma elə alındı ki, üçüncü qolu vura bilmədik”.