Rikardinyo: “5 qol vurmağımız sürpriz oldu”

“2-3 həftə ərzində bu görüşə ciddi hazırlaşmışdıq. Böyükhesablı qələbə qazandıq. “Samtredia”ya qarşı yaxşı oynadıq”. Futbolxeber.az saytına açıqlamasında bu sözləri “Qəbələ”nin üzvü Rikardinyo deyib.

Braziliyalı futbolçu qeyd edib ki, Avroliqanın I təsnifat mərhələsinin ilk oyununda “Samtredia”nı 5:1 hesabı ilə məğlub etmələri onlar üçün də sürpriz olub: “İlk dəqiqələrdən sürətli hücumlara çıxmağa çalışırdıq. Oyundan əvvəl bu hesabı gözləmirdik. 5 qol vurmağımız sürpriz oldu. Təbii ki, meydana qələbə qazanmaq üçün çıxmışdıq. Qarşıda hələ daha 1 oyun da var. Səfərdəki görüş də çətin keçəcək. Arxayınlaşmaq olmaz”.