Kvekveskiri: “Baş məşqçimiz “Samtredia”nın bütün zəif cəhətlərini öyrənmişdi”

 “Gözləməzdik ki, oyun bu hesabla nəticələnəcək. 5 qol vursaq da, qələbə bizə asan başa gəlmədi”.  Futbolxeber.az saytına müsahibəsində bu sözləri “Qəbələ”nin yarımmüdafiəçisi Nika Kvekveskiri deyib.

O, Avroliqanın I təsnifat mərhələsinin ilk oyununda Gürcüstanın “Samtredia” klubunu 5:1 hesabı ilə üstələmələrini belə şərh edib: “Bu görüşə yaxşı hazırlaşmışdıq. Baş məşqçi rəqibin bütün zəif cəhətlərini öyrənmişdi. Verilən tapşırıqları 100 faiz yerinə yetirdik. Amma cütün taleyi hələ həll olunmayıb. Təəssüf ki, qapımızda qol gördük. Növbəti görüşə də ciddi yanaşmalıyıq”.

Gürcü yarımmüdafiəçi cütün taleyini hələ həll olunmadığı fikrindədir: “Qəbələ” özünün ən yaxşı, “Samtredia” isə ən əzif oyunlarından birini göstərdi. Cütün taleyi həll olunmayıb. Səfərdəki görüşə 100 faiz hazırlaşmalıyıq. Rəqib futbolçular da istəkli idilər. “Samtredia”nın əsasını gənclər təşkil edir. Onlar futbol oynadılqarını sübut etmək üçün çalışırdılar. Lakin “Qəbələ” daha təcrübəlidir. Hazırlıqda onları üstələdik”.

Kvekveskiri qeyd edib ki, həmyerliləri ilə I təsnifat mərhələsində deyil qrup mərhələsində qarşılaşmaq istərdi: “Samtredia” ilə qrup mərhələsində oynasaydıq, daha yaxşı olardı. Mən hazırda “Qəbələ”də oynasam da, gürcü klublarının azarkeşiyəm”.