"Samtredia"nın baş məşqçisi: "Qəbələ" yaxşı oynadı”

"Qəbələ"ni təbrik edirəm. Onlar yaxşı oynadı və qələbə qazandı". Futbolxeber.az saytının “Report”a istinadən verdiyi məlumata görə, bunu "Samtredia" klubunun baş məşqçisi Giorgi Tsetsadze Avropa Liqasının I təsnifat mərhələsində "Qəbələ" ilə keçirilən görüşdən sonra deyib.

Gürcü mütəxəssis 1:5 hesablı yenilgini belə şərh edib: “Çalışacağıq ki, oyunu analiz edib səhvlərimizi düzəldək və daha yaxşı çıxış edək. Hava istidir. Futbolçularımız ikinci hissədə başqa nömrə ilə çıxış etdi. Bu texniki məğlubiyyətlə nəticələnə bilər. Amma bu səhv texniki heyətin səhvidir".

Qeyd edək ki, cavab görüşü iyulun 7-də Zestafonidə keçiriləcək.