"Əgər, bu baş verərsə, Syominə Azərbaycanda neft quyusu hədiyyə edəcəklər"

"Qəbələ"nin yeni baş məşqçisi Yuri Syominin meneceri Dmitri Selyuk müştərisinin ölkəmizdəki perspektivi haqda danışıb. Futbolxeber.az-ın məlumatına görə, rusiyalı menecer "Qəbələ"ni "Rostov" və "Krılya Sovetov"la müqayisə edib: "İndi çoxları deyir ki, "Qəbələ"ni heç kim tanımır, eləcə də Azərbaycan çempionatı praktiki olaraq inkişaf etməyib. Amma ölkəyə Syomin və Toşak kimi məşqçilərin dəvəti çempionatın səvəyyəsini artırır. Əminəm ki, gələcəkdə Rusiyadan futbolçular Azərbaycana böyük həvəslə yollanacaqlar. "Qəbələ"nin imkanlarını "Rostov" və "Krılya Sovetov"la müqayisə etmək olar. Çox istərdim ki, Yuri Pavloviç növbəti dəfə çempion olub, bir daha Postsovet məkanında ən yaxşı məşqçilərdən biri olduğunu sübuta yetirsin. İndi "Qəbələ"nin qarşısında avrokuboklara yüksəlmək vəzifəsi qoyulub. İndiki heyətdən böyük uğur tələb etmək düzgün olmazdı. Syomin indi yeni komanda formalaşdırmağa başlayıb və proses başa çatdıqdan sonra böyük qələbələr gözləyə bilərik. Amma özünüz qərar verin, əgər "Qəbələ" birinci yox, hətta altıncı yeri tutan digər Bakı komandasına 1:6 hesabı ilə uduzursa, komandanı tez bir zamanda necə dəyişmək olar? Hətta komandanın üçüncü pilləyə yüksəlməsi də uğur hesab olunacaq. Əgər, bu baş verərsə, yəqin ki ona neft quyusu hədiyyə edəcəklər, ya da onu Xəzər Dənizinin kürüsü ilə qidalandıracaqlar ki, o komandadan ayrılmasın".