Avroliqa: “Qəbələ”, “Kəpəz” və “Neftçi” rəqiblərini nə zaman tanıyacaq?

Avroliqanın 2016/17 mövsümü üçün ilk püşkatma mərasimi iyunun 20-də keçiriləcək. Futbolxeber.az saytının məlumatına görə, Nyonda baş tutacaq mərasimdə Avroliqanın ilk iki təsnifat mərhələsinin püşkü atılacaq. Avroliqada ölkəmizi təmsil edən “Qəbələ”, “Kəpəz” və “Neftçi” də rəqiblərini məhz həmin gün tanıyacaqlar. 10 gün sonra - iyunun 30-da Avroliqada ilk təsnifat mərhələsinin birinci oyunları keçiriləcək. Cavab qarşılaşmaları isə iyulun 7-də baş tutacaq. 14 iyulda II mərhələnin ilk, 21-də isə cavab qarşılaşmaları baş tutacaq.

Avroliqada III təsnifat mərhələsinin püşkü iyulun 15-də atılacaq. Bu mərhələnin görüşləri 28 iyul və 4 avqustda oynanılacaq.

Avqustun 5-də Nyonda pley-off mərhələsində qarşılaşacaq cütlər məlum olacaq. Qrup mərhələsinin iştirakçıları 18 və 25 avqsutda baş tutacaq matçlardan sonra məlum olacaq.

Qeyd edək ki, qrup mərhələsinin püşkü avqustun 26-da atılacaq. Bu mərhələnin oyunları isə 15, 29 sentyabr, 20 oktyabr, 3, 24 noyabr və 8 dekabra təsadüf edəcək.