“Kəpəz”dən rəsmi açıqlama: Kamara ilə maraqlanmırıq

“Kəpəz” rəsmi saytı vasitəsi ilə klubun Abdulkader Kamara ilə maraqlanması haqda yayılan xəbərlərə münasibət bildirib. Futbolxeber.az saytının məlumatına görə, Gəncə klubunun açıqlamasında deyilir:

- Son günlər bəzi idman saytlarında “Kəpəz”in Abdulkader Kamara adlı futbolçuya maraq göstərməsi ilə bağlı xəbərlər gedir. Vaxtilə ölkəmizdə çıxış etmiş qvineyalı yerli portallara açıqlamasında Gəncə klubundan dəvət aldığını bildirərək, şərtlərin qanedici olmadığını söyləyir.

Nəzərinizə çatdırırıq ki, Kamaranın dedikləri yalandır  və “Kəpəz” Peşəkar Futbol Klubu onunla heç vaxt maraqlanmayıb və maraqlanmır da. Özünü peşəkar sayan futbolçunun bu cür xəbərlər yayaraq klubumuzun adından istifadə edib reklam etməsi tərəfimizdən təəssüf hissi ilə qarşılanır.