8 May 2026, Cümə
XXXI turun hakim təyinatları
Millimiz Litvaya məğlub oldu
“Neftçi” yenidən ilk dördlükdə
"Neftçi"nin şikayəti təmin edilmədi

Ölkə futbolu

“Qəbələ”nin oyunçuları Mars və Saturnu seyr etdilər

Gənclərin idmanla yanaşı intellektual inkişafının təminatını daim diqqətdə saxlayan “Qəbələ” İdman Klubu bu istiqamətdə daha bir təşəbbüs həyata keçirib. Futbolxeber.az saytının məlumatına görə, bu günlərdə “Qəbələ” Futbol Akademiyasının 15 yaşa qədər futbolçulardan ibarət komandasının oyunçuları üçün Azərbaycan Milli Elmlər Akademiyası Nəsirəddin Tusi adına Şamaxı Astrofizika Rəsədxanasına ekskursiya təşkil olunub. Gənc futbolçular əvvəlcə Pirqulunun gözəl təbiətini gəzib, rəsədxananın Astronomiya Muzeyini seyr edib və alimlərin iş şəraiti ilə tanış olublar.

Müəssisənin böyük elmi işçisi Bahadır Abdullayev “Qəbələ” futbolçularını salamlayaraq onlara astronomiya elmi, rəsədxana, teleskop və göy cisimləri haqqında geniş məlumat verib. Muzeyin eksponatları sırasında 1959-cu il noyabrın 27-də Yardımlı rayonu ərazisinə düşmüş, tərkibi 92 faiz dəmir olan 127 kiloqramlıq meteorit “Qəbələ”lilərin xüsusi marağına səbəb olub.

Sonra rəsədxananın elmi katibi, astronomiya üzrə fəlsəfə doktoru Orxan Xəlilov və baş mütəxəssisi, bələdçi Müşfiq Hüseynov gənc oyunçulara Günəş sistemi, o cümlədən qalaktika, ulduz və planetlərdən ətraflı bəhs ediblər. Qəbələdən olan qonaqlar gecə saatlarında teleskopla Mars və Saturn planetlərini müşahidə ediblər (klub saytı). 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2026
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31