Qriqorçuk: “Qəbələ” ilə razılığımız var, ciddi təklif alsam...”

Roman Qriqorçuk “Qəbələ”dəki gələcək taleyindən danışıb. Futbolxeber.az saytının məlumatına görə, ukraynalı mütəxəssis vətənində verdiyi müsahibədə klubu müqavilə müddəti başa çatmamış da tərk edə biləcəyini istisna etməyib: “Qışda başqa təklif almışdım. Özü də ciddi təklif. Amma mən öz klubuma böyük hörmətlə yanaşıram. Başa düşürdüm ki, məni konkret olaraq “Qəbələ” maraqlandırır və buna görə də hər hansı bir danışıqlar aparmadım. “Qəbələ” ilə hələ 1 illik müqaviləm var. Lakin klub rəhbərliyi ilə aramızdakı razılığa əsasən, çox ciddi və maraqlı təklif alacağım halda, onlar məni anlayışla qarşılayacaqlar”.