“Kəpəz” 2 futbolçu ilə müqavilə imzaladı

Mövsümü beşinci pillədə başa vuran “Kəpəz” artıq yeni mövsüm üçün transfer çalışmalarına başlayıb. Bu haqda Futbolxeber.az saytına “Kəpəz”in Müşahidə Şurasının üzvü Mikayıl Nərimanoğlu açıqlama verib. M.Nərimanoğlu qeyd edib ki, artıq Julien Ebah və Tadas Simaitislə yeni sözləşmə imzalanıb. Daha bir neçə futbolçu ilə danışıqlar davam edir.

Mikayıl Nərimanoğlu Namiq Ələsgərov və Tərlan Quliyevin Gəncə klubunu tərk etməsi haqda yayılan xəbərlərə də münasibət bildirib: “Adıçəkilən hər iki futbolçu “Kəpəz”də icarə əsasında çıxış edirdi. Hər iki oyunçunun icarə müddəti artıq başa çatıb”.