“Bakı” Böyükağa Hacıyevi təbrik etdi

“Bakı” klubu aprelin 20-də 58-ci doğum gününü qeyd edən Böyükağa Hacıyevi təbrik edib. Futbolxeber.az saytının məlumatına görə, bu gün “zolaqlılar”ın bazasında I divizion klublarının nümayəndələri ilə Məşqçilər Komitəsi arasında baş tutan görüşdən öncə “Bakı”nın vitse-prezidenti Yaşar Seyidov Böyükağa Hacıyev üçün hazırlanmış xüsusi formanı təcrübəli mütəxəssisə təqdim edib.

Qeyd edək ki, Böyükağa Hacıyev “Bakı” üçün yad sima deyil. “Zolaqlılar”a ilk dəfə ölkə çempionluğunu 2006-cı ildə məhz Hacıyev qazandırıb.