“Qarabağ”a bu hesabla uduzmaq istəmirdik”

“Oyuna yaxşı başladıq. Matçın ilk 15-20 dəqiqəsində “Qarabağ” hücuma çıxa bilmirdi”. Futbolxeber.az saytına açıqlamasında bu sözləri “İnter”in hücumçusu Vüqar Nadirov deyib.

Təcrübəli forvard ölkə kubokunun yarımfinal mərhələsinin ilk oyununda “Qarabağ”a 0:4 hesabı ilə uduzduqları görüşü belə şərh edib: “Qarabağ”ın vurduğu ilk qol bizi “sındırdı”. Hesabda geri düşdükdən sonra özümüzə gəlmək istəyirdik. Hesabı bərabərləşdirmək üçün çalışsaq da, istəyimizə çata bilmədik. “Qarabağ”a bu hesabla uduzmaq istəmirdik”.

Vüqar Nadirov qeyd edib ki, hələ də Avroliqaya yollanmaq ümidləri var: “Bu mövsüm Avroliqada oynaya bilərik. Hələ dəqiq heç nə bilinmir. İdman Arbitraj Məhkəməsinin çıxaracağı qərarı gözləyirik. İstəniən halda, bu məsələ çıxışımıza təsir göstərmir. Meydana çıxıb, əlimizdən gələni edirik. Avroliqaya yollanacağımıza ümid edirik”.