Ələsgərov məşqlərə başladı

“Kəpəz”in zədəli futbolçusu Namiq Ələsgərovun vəziyyəti yaxşılaşıb. Futbolxeber.az saytının məlumatına görə, Azərbaycan Premyer Liqasının XXIX turunda “Qarabağ”a qarşı matçın sonlarında əzələsi dartılan yarımmüdafiəçi əvəzlənmək məcburiyyətində qalmışdı. İki həftə müalicə olunan futbolçu “sarı-göylər”in “İnter” və “Sumqayıt” ilə oyunlarını buraxıb.

Artıq Ələsgərovun zədəsi sağalıb və o, ötən həftəsonu həkim nəzarəti altında yüngül şəkildə fərdi məşqlərə başlayıb. Millinin üzvü sabah komanda ilə birgə hazırlığa qatılacaq. Onun qarşıdakı turda “Rəvan” ilə matçda meydana çıxmaq şansı yüksəkdir (klub sayı). .