Babunski: "Bizim yaratdığımız qol şansları daha real idi"

"Azərbaycan yığması ilə səfərdə qarşılaşmaq hər zaman çətindir. Rəqibimiz müasir futbol oynayır". Stadium.az xəbər verir ki, bu sözləri millimizlə oyundan sonra Makedoniyanın U-21 yığmasının baş məşqçisi Boban Babunski deyib. Babunski bildirib ki, komandası daha real qol epizodları yaradıb: "Bütün oyun ərzində çətin anlar yaşadıq. Xüsusilə, ikinci hissədə azlıqda qaldıqdan sonra işmiz lap çətinləşdi. Bununla belə, təhlükəli vəziyyətlər yaratmağı bacardıq. Hesab edirəm ki, bizim yaratdığımız qol şansları daha real idi".