Lippert: "Komandaya heç bir iradım yoxdur"

"Hücumlarımızın keyfiyyəti və kəsərliliyi istənilən səviyyədə deyildi. Bununla belə, futbolçularımız əzmkarlıqla oynadılar və meydanın hər qarışı uğrunda mübarizə apardılar. Bu baxımdan komandaya heç bir iradım yoxdur". Futbolxeber.az-ın məlumatına görə, bu sözləri Makedoniya ilə oyundan sonra U-21 millimizin baş məşqçisi Bernhard Lippert deyib. Alman məşqçi Araz Abdullayevin yoxluğundan şikayətlənib: "Hesab edirəm ki, bu gün heyətimizdə Araz Abdullayev olsaydı, daha kəsərli hücumlar qura bilərdik. Qarşıdakı oyunlarda hücum xətti ilə bağlı problemi həll etməyə çalışacağıq".