“Neftçi”nin futbolçularından mətbuata hörmətsizlik: icraçı direktor işə qarışdı

Premyer Liqanın 30-cu turu çərçivəsində “Qarabağ”a 1:2 hesabı ilə uduzan “Neftçi”nin legioner futbolçuları qarşılaşmadan sonra mətbuata danışmaqdan imtina ediblər. Futbolxeber.az saytının “Bakcell Arena”da olan əməkdaşının verdiyi məlumata görə, oyunçuların bu addımı klub rəhbərliyinin də narazılığına səbəb olub. Klubun avtobusuna daxil olan icraçı direktor Elnur Məmmədov oyunçulara jurnalislərin suallarını cavablıandırmalı olduqlarını bildirib. Yalnız E. Məmmədovun müdaxiləsindən sonra “Neftçi”nin üzvü Anyete mətbuat önünə çıxıb.