Prosineçki: “Oyunun gedişində “Qarabağ”ın qalib gələcəyinə şübhə yox idi”

Milli komandamızın baş məşqçisi Robert Prosineçki canlı olaraq izlədiyi “Neftçi” - “Qarabağ” oyunu (1:2) haqda fikirlərini bölüşüb. Futbolxeber.az saytına açıqlamasında xorvat mütəxəssis Ağdam klubunun layiqli qələbə qazandığını vurğulayıb: “Maraqlı oyun izlədik. Üstünlük “Qarabağ”ın tərəfində idi. Bu özünü açıq şəkildə biruzə verirdi. “Neftçi” də çalışırdı. Lakin oyunun gedişində şübhə yox idi ki, “Qarabağ” “Neftçi”ni məğlub edəcək”.

Xorvat mütəxəssis milli üzvlərinin çıxışından razılığını ifadə edib: “Mütəmadi olaraq milli üzvlərinin çıxışlarını izləyirik. Bu gün onların oyunundan razı qaldım”.