Foqts: "Komandanı tənqid etmək düzgün olmazdı"

"Nəticədən razı qala bilmərəm. Şanslardan yararlana bilmədik, lazımsız səhvlə qələbəni əldən verdik". Futbolxeber.az-ın məlumatına görə, bu sözləri Lüksemburqla oyundan sonra millimizin baş məşqçisi Berti Foqts deyib. Alman məşqçi millimizin tənqidə layiq olmadığını düşünür: "7 oyunun 4-də heç-heçə oynadıq. Amma 3-də qələbə qazanmalı idik. Beynəlxalq futbolda elədir ki, şansından istifadə etməyəndə rəqib qol vurur. Sonda daha bir qol buraxa bilərdik. Biz hücumları cinahlardan qururduq. Məncə, bu gün komandanı tənqid etmək düzgün olmazdı. Çoxlu qol imkanları yaratdıq. Sadəcə, məni narazı salan qol imkanlarından istifadə etməməyimiz oldu. Qırmızı vərəqəyə gəldikdə, bunun səbəbini baş hakimdən soruşmaq lazımdır. Nə üçün qırmızı vərəqə göstərdiyini anlaya bilmədim".