Elbrus Məmmədov: “Neftçi”nin vurduğu qolla bağlı şübhələrim var”

“Müdafiədə səhlənkarlığa yol verdik. Bu səbəbdən də uduzduq. Birinci hissədə qol vurmaq üçün şanslarımız var idi. Lakin onları dəyərləndirə bilmədik”. Futbolxeber.az saytının məlumatına görə, bu sözləri “Neftçi” ilə oyundan sonra “Xəzər Lənkəran”ın baş məşqçisi Elbrus Məmmədov deyib.

Məmmədov qeyd edib ki, “Neftçi”nin fərqləndiyi epizodla bağlı şübhəsi var: “Neftçi”nin qol vurduğu epizodla bağlı şübhələrim var. Mənə elə gəlir ki, həmin epiozdda ofsayt var idi. Epizodun təkrarına baxandan sonra dəqiq söz demək mümkündü. Fasilədən sonra komandamda yorğunçuluq özünü göstərdi” (CBC-Sport).