Adil Şükürov: “Biz də bu Vətənin əsgərləriyik”

“Son günlər cəbhə xəttində baş verənlərə görə xalqımıza başsağlığı verirəm. Biz də bu Vətənin əsgərləriyik”. Futbolxeber.az saytının məlumatına görə, bu sözləri “Zirə”nin baş məşqçisi Adil Şükürov deyib.

Gənc mütəxəssis Premyer Liqanın 29-cu turunda “Rəvan”ı 4:0 hesabı ilə məğlu etdikləri görüşü belə şərh edib: “Rəqibin oyununu analiz etmişdik. “Rəvan”ın çıxışına yaxından bələdik. Həftə boyu matça ciddi hazırlaşmışdıq. Uşaqlar məşqlərdə verdiyimiz tapşırıqları bu gün meydanda tam yerinə yetirdilər. Bununla belə, hələ də çatışmnazlıqlarımız var. Onları gələn oyunlarda aradan qaldırmağa çalışacağıq”.

Şükürov fasilədə komandasının bombardiri Nelson Bonillaya dəstək olduğunu vurğulayıb: “Birinci hissədə onun qol vurmaq üşün şansları olsa da, dəyərləndirə bilmədi. Mən ona dəstək oldum, ürək-dirək verdim və dedim ki, ikinci 45 dəqiqədə mütləq qol vuracaqsan. O da fasilədən sonra vurduğu qollarla sözünü dedi" (CBC-Sport).