Millimizin kapitanı: “Xalqımızın qarşısında əlimizdən gələnin ən yaxşısını edəcəyik”

17 yaşadək futbolçulardan ibarət milli komandamızın kapitanı Elçin Əsədov Avropa çempionatının püşkünü dəyərləndirib. Futbolxeber.az saytına verdiyi açıqlamada gənc müdafiəçi deyib: “Qrupumuz çox maraqlı alındı. Onsuz da bilirik ki, Bakıya gələcək bütün komandalar güclüdür. Portuqaliya, Belçika və Şotlandiyanın hər biri ciddi rəqibdi. 1 il əvvəl Portuqaliya ilə qarşılaşmışıq. Həmin oyunda bəxtimiz gətirməmişdi. Amma geridə qalan müddətdə komandamız çox dəyişib”.

Elçin Əsədov qeyd edib ki, Azərbaycan yığması qrupdan çıxa bilər: “Öz oyunumuzu göstərsək, qrupdan cıxacağıq. Xalqımızın qarşısında əlimizdən gələnin ən yaxşısını edəcəyik. Belçika və Şotlandiya haqda geniş məlumatımız yoxdu. Lakin komandamızın öz oyun üslübü var. Həmin oyunu ortaya qoyub, istəyimizə çatmağa çalışacağıq”.