Bakıda keçiriləcək Avropa çempionatının püşkü atılır

Bu gün 17 yaşadək futbolçular arasında Bakıda keçiriləcək Avropa çempionatının püşkatma mərasimi baş tutacaq. Futbolxeber.az saytının məlumatına görə, Bakı Olimpiya Stadionunda keçiriləcək tədbir saat 12:30-da start götürəcək. Püşkün nəticəsinə əsasən 16 komanda 4 qrupa bölünəcək. Millimiz ev sahibi olduğu üçün püşkdən kənarda qalacaq və avtomatik olaraq “A” qrupunun 1-ci komandası olacaq.

“A” səbəti: Portuqaliya, Serbiya, Ukrayna, Almaniya, Danimarka, İtaliya, Fransa.

“B” səbəti: Belçika, İngiltərə, Avstriya, Hollandiya, Bosniya və Herseqovina, İsveç, Şotlandiya, və İspaniya

Xatırladaq ki, Avropa çempionatının qrup oyunları 5/6, 8/9 və 11/12 may tarixlərində keçiriləcək. 1/4 final matçları 14/15, yarımfinal görüşləri isə 18 mayda baş tutacaq. Final matçı isə mayın 21-də keçiriləcək.