“Turan Tovuz” - “Bakı” oyununda şəhidlərin xatirəsi yad edildi

Bu gün I divizionda XXI tura start verilib. Futbolxeber.az saytının məlumatına görə, “Turan Tovuz” - “Bakı” oyunu meydan sahiblərinin 1:0 hesablı qələbəsi ilə tamamlanıb. Oyunda aprelin 2-5-i aralığında cəhbədə gedən döyüşlərdə Vətəni qəhramancasına qoruyan və ermənilərin işğal etdiyi yüksəkliklərimizdən bir neçəsini qanı bahasına geri qaytararkən şəhid olan Vətən oğullarımızın xatirəsi yad edilib. Tovuz klubu meydana "Siz qanınızla qazandıqlarınızı, biz canımızla qoruyacağıq" pankartı ilə çıxın. “Turan Tovuz”un üzvü Vüsal Qarayev qolu əsgər salamı ilə qeyd edib. Tovuzluların qapıçısı Mehman Hacıyev "Şəhidlər ölməz!" yazılı köynəyi də diqqətçəkən məqamlardan olub.