Azərbaycan millisindən biabırçı göstərici: 22 pillə geri və ya 209 komanda arasında 134-cü yer

FIFA milli komandaların növbəti reytinq cədvəlini açıqlayıb. Futbolxeber.az saytının məlumatına görə, ötən ayla müqayisədə Azərbaycan yığması sıralamada 22 pillə geriləyib. Hazırda aktivində 269 reytinq balı olan millimiz 134-cü pillədə qərarlaşıb.

209 komandanın yer aldığı dünya reytinqinə yenidən Argentina başçılıq edir. Belçika millisi ikinci pilləyə endiyi halda, Çili üçüncü sıraya yüksəlib. “İlk 10-luq”da həmçinin Kolumbiya, Almaniya, İspaniya, Braziliya. Portuqaliya, Uruqvay və İngiltərə milliləri qərarlaşıb. 7 pillə irəliləyən Türkiyə yığması 13-cü, 2 pillə geriləyən İtaliya isə 15-cidi.

Yalnız Arabu reytinqdə Azərbaycan yığmasından daha çox geriləyib. Belə ki, ötən ayla müqayisədə bu komanda 24 pillə aşağı enib. Ayın ən çox irəli gedən millisi isə Qvineya-Bissaudu. Bu ölkə ötən ayla müqayisədə 45 pillə irəliləməklə 102-ci yerə çıxıb.