31 Avqust 2025, Bazar günü
Baxşıyev: “Çempionluq sözlə olmur”
Rəşad Sadıqovdan qələbə şərhi
“Neftçi” Ohorini icarəyə verdi
Sergen Yalçın yenidən “Beşiktaş”da

Ölkə futbolu

Pisarev Azərbaycanla oyundan danışdı: “Hadisələrin bu cür gedişatına hazır deyildik”

“Oyuna nəzarət bizim tərəfimizdə idi. Rəqibin müdafiədən oynayacağını bilirdik”. Futbolxeber.az saytının məlumatına görə, bu sözləri Rusiyanın 21 yaşadək futbolçulardan ibarət milli komandasının baş məşqçisi Nikolay Pisarev deyib.

O, Avro-2017-nin seçmə mərhələsi çərçivəsində Azərbaycanla 2:2 bərabərə qaldıqları görüşü belə şərh edib: “2 dəfə rəqibin qapısına yol tapa bildik. Təəssüf ki, standart vəziyyətdən də rəqib 2 dəfə bizi məyus etdi. Hadisələrin bu cür gedişatına hazır deyildik və bu səbəbdən də problemlər yaşadıq”.

Pisarev rəqibin hesabı açmasının planlarını pozduğunu vurğulayıb: “Fasilədə futbolçulara dedim ki, oyunumuz alınır. Cinahlarda və hücumda fəallığı artırmalıyıq. Təzyiqi bir qədər artırmaqla hesabı açacağımızı düşünürdük. Lakin rəqib qapımız qarşısında yaratdığı ilk epizoddan yararlandı. Həmin qol planlarımızı pozdu. Futbolda belə hallar olur. Artıq bu oyunu unutmalıyıq. Qarşıda bizi Almaniya ilə vacib matç gözləyir. Hazırda əsas məsələ bərpa olunmaqdı”.

Pisarev heyətlə bağlı sualı da cavablandırıb: “Əsas heyətdə oynaya biləcək 4 futbolçumuz bu gün meydanda deyildi. Lakin onların oynamamalarının əsas səbəbini tibbi personal bilməlidi. Oyun günü 4 futbolçunun hərarəti yüksəlmişdi. Görünür, hansısa virusa yoluxublar. Amma Rusiya millisi heç vaxt ayrı-ayrı futbolçulardan asılı olmamalıdı”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31