“CBC-Sport”dan rəsmi açıqlama: “Rusların tələb etdiyi məbləğ çox böyük idi”

Avro-2017-nin seçmə mərhələsi çərçivəsində U-21 yığmamızın ev oyunlarını canlı yayımlayan “CBC-Sport” kanalının bu gün səfərdə Rusiyaya qarşı baş tutacaq matçı tamaşaçılara təqdim etməməsinin səbəbi məlum olub. Sözügedən kanalda şərhçilər qrupunun rəhbəri olan Rüstəm Əfsərli Futbolxeber.az saytına açıqlamasında məsələyə belə aydınlıq gətirib: “U-21 millimizin ev oyunlarını biz yayımlayırıq. Lakin səfər matçlarının yayım hüququnu almamışıq. Səfər görüşlərinin yayım hüququnu ayrı-ayrılıqda almaq lazımdı. Rusiya kanalından bugünkü matçın yayımı ilə bağlı bizə təklif gəlmişdi. Lakin rusların tələb etdikləri məbləğ çox böyük idi. Bu səbəbdən də yayım baş tutmayacaq”.