“Arzum Qəbələdə Çempionlar Liqasının himnini duymaqdı”

Qəbələdə eyniadlı klubun təşkilatçılığı ilə rayon ziyalıları və veteran futbolçularla keçirilən görüşdə “Qəbələ”nin baş məşqçisi Roman Qriqorçuk da olub. Futbolxeber.az saytının məlumatına görə, tədbirdə yer aldığı üçün məmnunluğunu bildirən Qriqorçuk bütün klub azarkeşlərinə komandaya verdikləri dəstəyə görə təşəkkür edib. Baş məşqçi komanda və azarkeşlərlə bağlı arzularını da gizlətməyib: “Məşqçi kimi arzum Qəbələdə Çempionlar Liqasının himnini duymaqdı. Bunuçün əlimizdən gələn hər şeyi etməyə çalışırıq. Bundan əlavə oyun günləri Qəbələdə xüsusi canlılıq, böyük azarkeş ordusu görməyi arzulayırıq. İnanıram ki, sizin də dəstəyinizlə biz bu arzuları reallaşdıracağıq”.