“Kəpəz” tarixi derbinin hazırlığına başlayır

Azərbaycan Premyer Liqasının XXV turu çərçivəsində keçirilən “Kəpəz” - “Xəzər Lənkəran” oyunundan (2:0) sonra istirahətə buraxılan Gəncə klubunun üzvləri bu gün bir araya gələcək. Futbolxeber.az saytının məlumatına görə, komanda həftəsonu “Neftçi” ilə keçiriləcək səfər oyununa Bakıda hazırlaşacaq.

“Sarı-göylər” həftəiçi hər gün saat saat 12:00-da məşqə çıxacaq. “Kəpəz” qarşıdakı matç öncəsi son məşqini görüşə ev sahibliyi edəcək “Bakcell Arena”da keçirəcək.

Qeyd edək ki, “Neftçi” - “Kəpəz” görüşü martın 19-u saat 18:00-da başlayacaq (klub saytı).