“Qəbələ” “Zirə” ilə oyunun hazırlığını davam etdirir

Azərbaycan Premyer Liqasının XXV turunda “Zirə” ilə qarşılaşacaq “Qəbələ” oyunun hazırlıqlarını davam etdirir. Futbolxeber.az saytının məlumatına görə, paytaxt təmsilçisi ilə martın 9-da keçirilən Azərbaycan kubokunun 1/4 final mərhələsinin cavab oyunundan (5:1) sonra məşqlərinə ara verməyən “qırmızı-qaralar” dünən növbəti hazırlığını keçib. “Zirə” ilə kubok matçının ertəsi gün olduğu kimi yenə yalnız son görüşdə iştirak etməyənlərin məşqi yaşıl meydanda baş tutub. 2 gün öncə komandanın qələbəsində pay sahibi olanlar isə srağagün bərpaedici məşqlə kifayətlənib, dünən isə fiziki hazırlıq keçib. “Qəbələ”nin oyunöncəsi son məşqi bu gün baş tutacaq. Qəbələ şəhər stadionundakı hazırlıq prosesi saat 17:30-da başlayacaq. Komandanın məşqi tam heyətlə keçəcək.

Xatırladaq ki, martın 13-də baş tutacaq “Qəbələ” - “Zirə” qarşılaşmasının start fiti saat 15:00-da veriləcək.