Elvin Məmmədov: "Bütün gücümüzü meydanda qoyduq və qalib gəldik”

“Zirə”nin yarımmüdafiəçisi Elvin Məmmədov Premyer Liqanın XX turunda “Sumqayıt” üzərində qazandıqları 2:0 hesablı qələbəni şərh edib. Futbolxeber.az saytına açıqlamasında təcrübəli futbolçu deyib: “Oyun çətin alındı. III dövrə təzə başlayıb. Fasilədən sonra mübarizəyə tam gücünlə qoşulmaq asan deyil. Bununla belə, komandamız bütün gücünü meydanda qoydu və qalib gəldi”.

28 yaşlı futbolçu avrokuboklara vəsiqə qazanmaq istədiklərini bildirib: “Rəhbərlik qarşımıza şərt qoymayıb ki, birinci və ya ikinci yeri tutmalıyıq. Biz öz oyunumuzu oynayırıq. Avrokuboklarda oynamaq istəyirik. Hazırdı ikinci pillədəyik. Burada özümü yeni futbolçu kimi hiss etmirəm. "Zirə"yə bacardığım qədər kömək etməyə çalışıram”.