Aleksey Qay: “Qələbə bizə asan başa gəlmədi”

“Çətin oyun alındı. Bununla belə, yaxşı mübarizə apardıq və qələbə qazandıq”. Futbolxeber.az saytına açıqlamasında bu sözləri “Qəbələ”nin aparıcı üzvü Aleksey Qay deyib.

Ukraynalı yarımmüdafiəçi Premyer Liqanın XX turunda “Inter”i 1:0 hesabı ilə məğlub etdikləri oyunu belə şərh edib: “Qələbə bizə asan başa gəlmədi. Hava şəraiti əlverişsiz idi və bu məqam istədiyimiz oyunu sərgiləməyimizə mane oldu. Yaxşı qol vəziyyətlərimiz oldu”.

Qay qeyd edib ki, növbəti oyunlarda da uğur qazanmağa çalışacaqlar: “Gələcəkdə necə çıxış edəcəyimizi deyə bilmərəm. İndi bu qələbənin dadını çıxarmalıyıq. Sabahdan isə növbəti oyun barədə düşünəcəyik. Çalışacağıq ki, bu qələbənin ardını gətirək”.