“Qarabağ” məşqləri bərpa etdi

"Qarabağ" yenidən məşqlərə başlayıb. Futbolxeber.az-ın məlumatına görə, Antalyada təlim-məşq toplanşına davam edən Ağdam klubu 1 günlük fasilədən sonra məşqləri yenidən bərpa edib.

Bu günə planda 2 məşq vardı. "Qarabağ" ənənəvi olaraq səhər məşqinə yerli vaxtla 11-də (Bakı vaxtıyla 13:00) yollanıb. Komandanın məşqi 90 dəqiqə davam edib. Səhər məşqi fiziki yüklənmələr üzərində baş tutub. Futbolçular meydan boyu qurulmuş maneələri dəf edərək qapıya zərbələr üzərində çalışıblar. Bir neçə təkrarla baş tutan təmrinlərlə səhər məşqi başa çatıb.

Komandanın 2-ci məşqi yerli vaxtla 17:00-a təyin olunub (klub saytı).