Elbrus Məmmədov “Xəzər Lənkəran”a qayıtdı: “Onların hərəkəti mənə çox pis etdi”

Elbrus Məmmədov “Xəzər Lənkəran”ın baş məşqçisi postuna qayıdıb. Futbolxeber.az-a klubdan verilən məlumata görə, dünən axşam saatlarında məşqçi ilə görüşən klub rəhbərliyi onu fikrindən daşındıra bilib və Məmmədov klubdakı fəaliyyətini davam etdirəcək. Elbrus Məmmədov rəhbərliklə görüşü zamanı qeyd edib ki, futbolçuların hərəkəti ona çox pis təsir edib və məhz bu səbəbdən də klubdan ayrılmaq qərarına gəlib.

Qeyd edək ki, artıq Lənkəranda olan Elbrus Məmmədov bu gün saat 16:00-da komandanı məşqə çıxaracaq.

Bundan başqa, “Xəzər Lənkəran”ın düşərgəsinə 4-5 futbolçunun qoşulacağı gözlənilir.