“Kəpəz”in yoxlama oyununda daha iki rəqibi müəyyənləşdi

Premyer Liqanın qış hazırlığı dövründə “Kəpəz”in yoxlama oyunu keçirəcəyi daha iki komandanın adı məlum olub. Futbolxeber.az-ın məlumatına görə, “sarı-göylər” ilk yoldaşlıq matçını yanvarın 13-də keçirəcək. Yevlaxda əvəzedicilərlə birlikdə məşq edən komandanın rəqibi elə “dubl” olacaq. Şahin Diniyevin yetirmələrinin əvəzedici heyətlə görüşü saat 16:00-da başlayacaq və Yevlaxdakı təlim-məşq bazasının stadionunda keçiriləcək.

“Kəpəz” Bakı toplanışı çərçivəsində isə “Ağsu” ilə qarşılaşacaq. Birinci divizion təmsilçisi ilə oyun yanvarın 26-da Bakıda olacaq. Hələlik qarşılaşmanın keçirilmə yeri və saatı dəqiqləşməyib. 

Xatırladaq ki, bundan öncə Gəncə klubunun yanvarın 23-də “Neftçi” ilə yoxlama matçında üz-üzə gələcəyi müəyyənləşib (klub saytı).