“Bakı” məşqlərə nə vaxt başlayacaq?

I divizionda mübarizə aparan “Bakı” gələn həftə bir araya gələcək. Futbolxeber.az-ın məlumatına görə, “zolaqlılar” ikici dövrənin hazırlığına yanvarın 18-də start verəcək. Həmin gün komanda öz bazasında toplaşacaq. Yanvarın 18-nə kimi komandada bütün suallara aydınlıq gəlməlidi.

Hələlik komandadan 3 futbolçu ayrılıb. Kamil Nurəhmədov “Xəzər Lənkəran”ın düşərgəsində olsa da, “Bakı”da maliyyə məsələləri yoluna qoyulacağı təqdirdə geri dönəcək. Umar Akmurzayev və Yusup Hakimov da hələlik özlərinə yeni klub tapa bilməyiblər. Bu səbəbdən də adıçəkilən futbolçuların da “Bakı”ya qayıdacağını proqnozlaşdırmaq olar.