Millimiz Qranatkin turnirində 7-ci və ya 9-cu yer uğrunda oynayacaq

Valentin Qranatkinin xatirəsinə həsr olunmuş 28-ci beynəlxalq turnirdə Azərbaycanın U-17 millisi qrupdakı çıxışını başa vurub. Futbolxeber.az-ın Sankt-Peterburqa ezam olunmuş əməkdaşının verdiyi məlumata görə, bundan sonra yığmamız turnirdə daha bir oyun keçirəcək. Sonuncu matçında Azərbaycan millisi ya 7-ci, ya da 9-cu yer uğrunda mübarizə aparacaq. Bütün suallara sabah A və B qruplarındakı oyunlar başa çatdıqdan sonra aydınlıq gələcək.

Azərbaycan millisi qrup üçüncüləri arasında ən pis nəticə göstərən komanda olsa, yanvarın 11-də 9-cu, əks halda isə 7-ci yer uğrunda yarışacaq. Bu halda millimiz yanvarın 12-də meydana çıxacaq.