“Bu il “Gabala Cup”da okeanın o tayından da komanda iştirak edəcək”

1 illik fasilədən sonra “Gabala Cup” turniri yenidən keçiriləcək. Bu haqda Futbolxeber.az saytına “Qəbələ”nin vitse-prezidenti Fariz Nəcəfov məlumat verib: “Mayda bu yarış keçiriləcək. Artıq bir çox klublarla danışıqlar aparılır. Hələ ki, heç bir komanda iştirakını rəsmən təsdiqləməyib. İştirakçılar arasında həm tanınmış, həm də tanınmayan, lakin akademiyaları güclü olan komandalar olacaq”.

“Bildiyimiz qədəri ilə budəfəki yarışa okeanın o tayından da komanda qatılacaq” sualını F.Nəcəfov belə cavbalandırıb: “Bu doğru məlumatdı. Bir komanda ilə danışıqlar gedir. Həmin kollektiv artıq turnirdə iştirak edəcəyi ilə bağlı razılığını verib”.