Qranatkinin xatirəsinə həsr olunmuş XXVII turnirdə 14 komanda yarışacaq

FIFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə 14 komanda yarışacaq. Futbolxeber.az-ın məlumatına görə, son illər olduğu kimi, bu dəfə də Azərbaycan yığması sözügedən turnirdə mübarizə aparacaq. Sankt-Peterburqda 3-12 yanvar tarixlərində baş tutacaq yarışda 1998-ci ilədək olan futbolçular iştirak edəcək.

Azərbaycan millisi ilə yanaşı yarışda daha 13 komanda mübarizə aparacaq: Rusiya, Sankt-Peterburq, Belarus, Bolqarıstan, Qazaxıstan, Latviya, Litva, Moldova, Slovakiya, Sloveniya, Finlandiya, Estoniya, Yaponiya.

Ötən il yarışda 18 komanda mübarizə aparıb. Budəfəki iştirakçıların hamısı 1 il əvvəl də Sankt-Peterburqda yarışıb. 1 əvvəlki iştirakçılardan Yunanıstan, Cənubi Koreya, Rusiya-2 və Moskva komandaları bu dəfə yarışa qatılmayacaq.

Oyunlar Sankt-Peterburqdakı Olimpiyski Idman Konsert Kompleksində baş tutacaq.

Xatırladaq ki, ötən il Azərbaycan yığması 18 iştirakçı arasında beşinci olmuşdu.