“Neftçi”nin bombardiri: “Qəbələyə yalnız qələbə qazanmaq üçün gedəcəyik”

“Neftçi” PFK-nın futbolçusu Ruslan Qurbanov Topaz Premyer Liqasının XV turu çərçivəsində keçirilmiş “Zirə” klubu ilə oyundan sonra fikirlərini Neftçi TV-yə açıqlayıb. Futbolxeber.az-ın məlumatına görə, 6 qolla komandasının bombardiri olan gənc forvard deyib: “Neftçi”nin bütün kollektivi adından faciə nəticəsində həyatlarını itirmiş ailələrinə başsağlığı vermək istəyirəm. Bütün azərbaycanlılar kimi biz də kədərliyik. Oyuna gəldikdə isə “Zirə” ilə görüş çətin alındı və qələbə qazan bilmədik. Sevinirəm ki, qol vurdum. Artıq bütün fikirlərimizi “Qəbələ” ilə oyuna yönəltmişik. Qəbələyə yalnız qələbə qazanmaq üçün gedəcəyik”