“Bakı”da klubdaxili toplantı: Rəhbərlik narazıdı

Bazar ertəsi, noyabrın 30-da “Bakı”da klubdaxili toplantı keçiriləcək. Futbolxeber.az-ın məlumatına görə, rəhbərlik son turlarda alınan nəticələrdən narazıdı. Belə ki, komanda son 4 turda cəmi 4 xal toplayıb. Bu oyunların 3-ü səfər matçına təsadüf edib ki, həmin görüşlərdə “Bakı”nın qazancı cəmi 1 xal olub. “Ağsu”ya 0:3 hesabı ilə uduzan “zolaqlılar”, ötən həftə “Mıl-Muğan”a da məğlub oldu - 1:3. Son oyunda isə Novruz Əzimovun komandası Qazax səfərindən cəmi 1 xal qazanıb (0:0).

11 turdan sonra “Bakı” 20 xalla beşinci pillədə qərarlaşıb. “Zolaqlılar” lider “Neftçala”dan 10, ikinci pillədəki “Qaradağ-Lökbatan”dan isə 8 xal geri qalır.

Bu nəticə isə qarşısına Premyer Liqaya vəsiqə qazanmaq iddiası qoyan klub rəhbərliyinin ürəyincə deyil. Elə klubdaxili toplantı da bu səbəbdən baş tutacaq.