Sergey Zenyov: “Yunan azarkeşlər də, PAOK-da məni təəccübləndirdi”

“Qəbələ”nin hücumçusu Sergey Zenyovun Futbolxeber.az saytına müsahibəsi

- Avroliqanın qrup mərhələsinin beşinci turu çərçivəsində “Qəbələ” səfərdə PAOK-la qolsuz bərabərliyə nail oldu. Qarşılaşma haqda nə deyə bilərsən?

- Nəticəni normal hesab etmək olar. Hər halda, çətin səfər oyununda 1 xal qazandıq. Təbii ki, məqsədimiz qələbə qazanmaq idi. Lakin sonda 1 xalla kifayətləndik.

- Qələbə qazanmağınız üçün nə çatışmadı?

- Bəzən sonuncu ötürmədə dəqiq oynaya bilmirdik. Amma yenə də qol şanslarımız oldu. Məncə, qalib gəlməməyimizin əsas səbəbi yaxaladığımız şansları qaçırmağımız oldu.

- “Panatinaikos”la matçda yunan azarkeşlərin çılğınlığını görmüşdük. Lakin PAOK fanatları elə də fəal deyildilər. Bu məqam sənin üçün sürpriz oldu?

- Bu məqam məni də təəccübləndirdilər. Bir neçə il əvvəl burada PAOK-a qarşı oynamışdım. O zaman stadion tam dolu idi. Azarkeşlər sevimli komandalarına fantastik dəstək verirdilər. Lakin bu dəfə fərqli mənzərəyə şahidlik etdik. Yəqin ki, azarkeşlərlə klub arasında hansısa problem var.

- PAOK-un oyunu da sizin üçün gözlənilməz oldu?

- Birinci hissədə normal çıxış etdilər. Amma fasilədən sonra PAOK çox zəif təsir bağışladı. Bəlkə də bu, yorğunluqdan irəli gəlirdi.

- PAOK-la oyundan əvvəl artıq “Krasnodar” - “Borussiya” (1:0) matçının nəticəsini bilirdiz. Bu məqam oyununa mənfi təsir göstərdi?

- Çalışırdıq bunu hiss etdirməyək. Təbii ki, “Borussiya”nın qələbəsini arzulayırdıq və inanırdıq ki, son tura qədər 1/16 finala yüksəlmək şansımız qalacaq. Təəssüf ki, istəyimiz reallaşmadı.

- “Qəbələ” qələbəsiz oyunlar seriyasına növbəti oyunda son qoya biləcək?

- Yunanıstanda qələbə qazansaydıq, inamımız artardı. Çempionatda növbəti oyunumuz “Rəvan”ladı. Artıq həmin oyunda mütləq qalib gəlməyək.

- “Rəvan”la oyun bazar ertəsi baş tutacaq. “Qəbələ” vaxt azlığına baxmayaraq, həmin görüşə kimi hazır olacaq?

- Onsuz da başqa yolumuz yoxdu. Tam gücümüzlə qarşıdakı matça hazırlaşacağıq.