“Unutmayaq ki, biz avrokubokda mübarizə aparan bir komandaya qarşı oynadıq”

“Qazandığımız xal münasibəti ilə komandanı təbrik edirəm. “Qarabağ”a məğlubiyyətdən sonra komandanı toparlamaq həqiqətən çətin idi. Biz bir araya gəlib, gərginliyi aradan qaldırdıq və bu gün həmin işin bəhrəsini gördük”. Futbolxeber.az-ın məlumatına görə, bu sözləri “Qəbələ” ilə oyundan sonra “Zirə”nin baş məşqçisi Adil Şükürov deyib.

Gənc mütəxəssis qapılarını toxunulmaz saxlamağın müsbət hal olduğunu vurğulayıb: “Biz bu gün heyətdə, oyunda dəyişiklik edə bilərdik. Unutmayaq ki, biz avrokubokda mübarizə aparan bir komandaya qarşı oynadıq. Belə bir görüşdə qapının toxunulmazlığını saxlamaq yaxşı haldır”.