Yunis Hüseynov: “Bunlar qol vurmaq üçün kifayət etmədi”

“Biz Gəncə səfərində xal qazanmaq istəyirdik. AZAL ilə oyundan sonra uğurlu seriya hədəfləmişdik”. Futbolxeber.az-ın məlumatına görə, bu sözləri “Kəpəz”lə oyundan sonra “Xəzər Lənkəran”ın baş məşqçisi Yunis Hüseynov deyib.

Təcrübəli mütəxəssis 0:1 hesablı məğlubiyyəti belə şərh edib: “İlk hissədə komandamın oyunundan razı qalmadım. Rəqib azarkeşlərinin çoxluğu ola bilər ki, futbolçularıma  mənfi təsir göstərdi. İkinci hissədə isə pis təsir bağışlamadıq. Təhlükəli epizodlar yaratsaq da, bunlar qol vurmaq üçün kifayət etmədi. Zədəli oyunçularla bağlı problemlərimiz var. Tounkara və Orxan  sıraya yeni qayıdıblar. Hazırda isə həkimlər futbolçuların zədəsi ilə məşğuldurlar.  Komandadan getməyim düz çıxmaz. Dekabra kimi çalışmaııyıq ki, liderlərdən geri qalmayaq. Qarşıda bizi çətin oyunlar gözləyir. “Sumqayıt”la bir neçə gün sonra keçiriləcək oyunda qələbə qazanmaq niyyətindəyik. Mən Azərbaycanı bölgələrə bölmürəm. Azərbaycan mənim vətənimdir, bu ölkənin hər bir yeri mənim üçün doğmadır. Fərq qoymuram”.