Yonas Hofmann: “Çalışacağıq ki, bu hal “Qəbələ” ilə oyunda təkrarlanmasın”

“Təəssüflər olsun ki, Henrik Mxitaryan bizimlə birgə Bakiya gələ bilmədi. Amma bununla bağlı edəcəyimiz heç nə yoxdur”. Futbolxeber.az-ın məlumatına görə, bu sözləri Dortmund “Borussiya”sının yarımmüdafiəçisi Yonas Hofmann deyib.

23 yaşlı futbolçu erməni futbolçunun Bakıya gəlməməsi haqda qərarın klub rəhbərliyi tərəfindən qəbul olunduğunu bildirib: “Bu barədə qərar klub rəhbərliyi tərəfindən qəbul edilib. Henrik Dortmunda qalaraq, Bundesliqanın növbəti oyununa hazırlaşır”.

Hofmann “Qəbələ” haqda da fikirlərini bildirib: “Qəbələ” güclü komandadır. Bilirik ki, ölkə çempionatında hazırda ikinci pillədə qərarlaşıblar. Həmçinin Avroliqada da cəmi 1 oyunda uduzublar. Yəqin ki, “Qəbələ” də bizi yaxşı analiz edib. Sabah bizi çətin oyun gözləyir. Uğur qazanmaq üçün əlimizdən gələni edəcəyik”.

 Hofmann meydana qələbə üçün çıxacaqlarını vurğulayıb: “Sabah 3 xal üçün mübarizıə aparacağıq. Çalışcağıq ki, qalib gəlməklə Dortmunddakı oyuna rahat çıxaq. Bəzi oyunlarda son 20-30 dəqiqədə çətinlik çəkmişik. Amma çalışacağıq ki, bu hal “Qəbələ” ilə oyunda təkrarlanmasın”.