“Futbol+” üçün əlamətdar gün

Bu gün “Futbol+” qəzeti üçün əlamətdar gündür. Futbolxeber.az-ın məlumatına görə, qəzetin 18 yaşı tamam olur. “Futbol+” qəzeti 1997-ci il oktyabrın 21-dən işıq üzü görür. Qəzetin təsisçisi Vüqar Məmmədov, baş redaktoru isə Mahir Rüstəmlidir. "Futbol +" əvvəllər həftədə 1 dəfə işıq üzü görüb, 1998-ci ilin martından isə həftədə 2 dəfə nəşr olunmağa başlayıb. Sonrakı illərdə dövrülük 3, 4, 2009-cu ilin 1 fevralından isə 5 dəfəyə çatdırılıb. Qəzet adətən futbol üzrə dünya və Avropa çempionatları ərəfəsində oxucuların mühakiməsinə xüsusi buraxılış təqdim edir. Bundan başqa Azərbaycandakı vacib futbol olayları, klubların uğurları xüsusi buraxılış və ya plakatla işıqlandırılır. "Futbol+" Azərbaycan futbol çempionatının bütün oyunlarına reportyor göndərir, hər ilin sonunda Azərbaycanda ilin ən yaxşı futbolçusunu və ən yaxşı idmançını müəyyənləşdirən geniş sorğu keçirir. 1-ci,4-cü,5-ci, və 6-cı günkü saylar 16, 2-ci günkü saylar 24 səhifədən ibarət olur.

18 yaşı münasibəti ilə “Futbol+” qəzetindəki həmkarlarımızı təbrik edir, gələcək fəaliyyətlərində daha böyük uğurlar arzulayırıq.